Автомашины тоормос нь машины аюулгүй байдлыг хангах хамгийн чухал хэсгүүдийн нэг. Зам дээр явж байх үед тоормос гэнэт ажиллагаагүй болбол яах билээ? Ийм үед авах арга хэмжээний талаар бяцхан зөвлөмжийг хүргэж байна.

Юуны өмнө сандарч болохгүй

Ямар ч тохиолдолд машин барьж байхдаа анхаарал, сонор сэрэмжээ алдаж болохгүй. Жолоодлогын үед ямар нэг зүйл буруугаар эргэвэл аль болох тайван байж, саруул ухаанаар дараа дараагийн алхмуудаа бодох хэрэгтэй. Сандарсан үедээ хүн огцом, бодлогогүй үйлдэл гаргах нь их байдаг бөгөөд өөрийгөө болон бусдыг эрсдэлд оруулах аюултай.

Дахиад нэг оролдоод үз

Хуучны классик загварын машин биш л бол одооны машинууд бүгд давхар тоормосны системтэй болсон бөгөөд урд болон хойд тоормос тус тусдаа бие даасан ажиллагаатай байгаа. Тоормосны системийн хоёр тал бүхэлдээ ажиллагаагүй болсон үед л тоормослох огт боломжгүй болох юм. Тоормосны нэг тал ажиллагаагүй болсон хэдий ч нөгөө хэсэг нь ажиллаж байгаа бол машины зогсоох хүчтэй гэсэн үг. Тоормосны педаль дээр удаан, хүчтэй гишгэж машины хурдыг сааруулж болох эсэхийг үзээрэй.

Хурдаа сааруулах алхмууд авах

Үндсэн тоормосны систем ажиллахгүй байвал зогсоолын тоормос буюу “гар тоормос”-ыг ашиглан машины хурдыг сааруулах арга бий. Гар тоормос үндсэн тоормос шиг бүх дугуйнуудад алгуур жигд үйлчилж чаддаггүй учраас хурд ихтэй яваа үед гар тоормос хэрэглэвэл дугуйнууд огцом түгжигдэж, машин шарвах аюултай.

U.S.News & World Report-ийн санал болгодог бас нэгэн арга нь хаазаа бууруулж, араагаа хүндрүүлэх зарчмаар машиныг удаашруулах юм.

Замын хөдөлгөөнөөс гарах

Хурдаа сааруулсны дараагаар машиныг аль болох хурдан замын хөдөлгөөнөөс гаргах хэрэгтэй. Дохиогоо асааж, шаардлагатай бол эргэн тойрны машинууддаа дуут болон гэрлэн дохио өгч замын хажуу руу аажуу шилжинэ. 1-р эгнээ эсвэл замын хажуу руу гарсан даруйдаа аваарын гэрлээ асааж араагаа салгана. Гар тоормос ашиглан машины хурдаа сааруулна. Хэрэв машин шарваж эхэлбэл гар тоормосоо суллах хэрэгтэй. АНУ-н Үндэсний Аюулгүй Байдлын Зөвлөл гар тоормос ажиллахгүй үед дугуйгаараа замын хажуугийн хашлагыг шүргэж хурдаа сааруулахыг зөвлөдөг.

Бүрэн зогсох хүртлээ машины унтрааж болохгүй

Машины унтрааж хурдаа сааруулах нь оновчтой санаа мэт сонсогдож магадгүй. Гэхдээ машин бүрэн зогстол хөдөлгүүрээ унтрааж болохгүй гэдгийг анхаараарай. Хөдөлгүүрээ унтраамагц жолооны удирдлага унтардаг учраас машины хөдөлгөөнийг удирдахад төвөгтэй болдог бөгөөд жолоо түгжигдэх эрсдэлтэй байдаг. Тиймээс аюулгүй газар очиж, бүрэн зогссоны дараа хөдөлгүүрээ унтраах хэрэгтэй.

Аюулгүй байдлаа дахин шалгах

Тоормос түр хугацаанд ажиллагаагүй болсон л бол азаа үзэлгүй, шууд мэргэжлийн газар очиж шалгуулаарай. Эвдрэлээс үл хамааран 25,000 км тутамд буюу жилд нэг удаа тоормосоо шалгуулж хэвших хэрэгтэй.

Эх сурвалж: https://blog.allstate.com

Сүүлд нэмэгдсэн нийтлэлүүд

Өвлийн улиралд HYBRID машины шатахуун зарцуулалтыг бууруулах зөвлөмж
Жолооч таны мэдлэгт

Өвлийн улиралд HYBRID машины шатахуун зарцуулалтыг бууруулах зөвлөмж

Өвлийг өнөтэй давахын тулд бэлтгэлээ аль болох эрт хийж эхлэх хэрэгтэй. Хэрвээ та hybrid машин эзэмшдэг бол бидний бэ...

Жолооч та суудлын дэрээ зөв тохируулсан уу?
Жолооч таны мэдлэгт

Жолооч та суудлын дэрээ зөв тохируулсан уу?

Жолооч та суудлын дэрээ зөв тохируулсан уу? Машины суудал болон суудлын дэрийг зөв тохируулаагүйгээс гэнэтийн ослын ү...

Жолооны ард гаргадаг 7 муу зуршил
Жолооч таны мэдлэгт

Жолооны ард гаргадаг 7 муу зуршил

Өдөр тутмын амьдралдаа бид багагүй цагийг жолооны ард өнгөрөөдөг билээ. Заримдаа аюулгүй байдлын үүднээс анхааралдаа ...

Машин дээрх цайны толбыг хэрхэн хялбар арилгах вэ?
Жолооч таны мэдлэгт

Машин дээрх цайны толбыг хэрхэн хялбар арилгах вэ?

Машинаа байрныхаа гадаа тавьтал буянтай буурлууд маань сүү цайныхаа дээжийг өргөөд толботуулчихдаг ч энгийн үзэгдэл б...

9 сарын 1-нээс жолооч таны баримтлах 24 дүрэм
Жолооч таны мэдлэгт

9 сарын 1-нээс жолооч таны баримтлах 24 дүрэм

Замын хөдөлгөөний аюулгүй байдлын тухай хууль нь 9 сарын 1-ны өдрөөс хэрэгжиж эхэлсэн билээ. Энэ хуулиар жолооч, явга...

Samsung Galaxy s7, s7 edge утасны 10 ашигтай зөвлөмж
Эрсдэлийн боловсрол

Samsung Galaxy s7, s7 edge утасны 10 ашигтай зөвлөмж

Шинэхэн Samsung Galaxy S7, S7 Edge-ийн эзэмшигч болсонд баяр хүргэе. Бид танд утсаа ашиглахад тань хэрэг болох 10 а...